“Santa Rosa formando parti di Green Week di Playa Linda”

Presentacion duna na tur e empleadonan presente

Oranjestad- Recientemente Santa Rosa tabata di bishita na Playa Linda hotel unda cu a duna charla y presentacion en connecion cu Green Week.

Durante e presentacion aki sr. Ludwig Rasmijn y sr. Randy Maduro a splika kiko e tareanan di Santa Rosa ta insera, como tambe con importante agricultura, cria y pesca ta pa Aruba.

Empleadonan di Playa Linda a sigui e presentacion cu hopi attencion unda cu hopi pregunta a wordo contesta debidamente.

Tambe nan a haya e oportunidad di mira un video cu ta splika e procedura completo di chikamento di lechi di cabrito.

Den forma di presentacionnan aki Santa Rosa ta cumpli cu un di su meta principalnan cu ta di informa, educa y guia pueblo complete riba e importancia y benificionan cu agricultura, cria y pesca local ta trese cune.

 “BAN SOSTENE NOS CULTURA, PRACTICA CRIA, PESCA Y AGRICULTURA”