Departamento di Cria

E departamento di Cria di Santa Rosa ta conta cu un team di 6 empleado dedica na e bienestar y salud di tur e bestianan na Santa Rosa y ndi e criadornan local.

E departamento di Cria su mission ta pa provee e criador y futuro criadornan cu conseho  y informacionnan necesario y actualisa encuanto reproduccion, alimentacion, rasa, sistema di criansa y tereno di criansa.

Santa Rosa su departamento di Cria ta brinda e siguente servicionan :

• provee criadonan cu lamchinan di calidad halto na prijsnan subsidia pa yudanan mehora e gruponan di bestia.
• ofrece bon chubatonan di diferente rasa pa duna servicio di dek na hembranan di criadonan.
• provee criadonan cu porko chikito, na prijsnan subsidia, pa engorde of reproduccion.
• bishita terenonan cu criadonan a pidi den huur y kier bin na remarca pa subsidio di awa of pa meter di awa di WEB.
• duna servicio di capa, corta hoef, pela, kima cácho tanto na Santa Rosa como na cas.
• duna servicio di transporte pa bestianan cu ta bin Santa Rosa pa dek.
• duna rondleiding y informacion na alumnonan cu mester di esaki pa nan tesis of spreekbeurt.
• benta di lechi di cabrito na publico.
• benta di productonan via e verkoopcentrale pa asina e criado tin acceso na materialnan special pa criansa y apicultura.

Santa Rosa ta conta cu cabrito di rasanan Boer, Anglo Nubian, Toggenberg y French Alpine y  carnenan di rasanan White Dorper y Black Belly, como tambe porconan grandi y chikito.