ApiCultura

Recientemente Santa Rosa a introduce un seccion nobo, cual ta e seccion di ApiCultura.

Apicultura ta encera e practica di cria di abeha, cu e proposit principal pa produccion di honing.

Abeha no ta solamente importante pa honing sino tambe ta hunga un rol ta grandi den e eco-systema di cada pais.

E insecto aki tin un responsabilidad sumamente importante den e proceso di polinisacion di diferente sorto di fruta y berdura for di cual e ser humano y tambe nos parhanan ta beneficia.

Santa Rosa den su responsabilidad pa stimula nos hendenan pa produci productonan fresco y natural, a otorga Apicultura tambe un seccion special pa asina por duna informaicon y motiva nos amigonan pa eherce e bunita practica aki.

Santa Rosa ta  bende diferente productonan pa cria di abeha y tambe ta duna servicio di recohe abehanan den sitionan indesea.