Articulonan specialmente pa agricultor y criador di bestia

 “Santa Rosa a ricibi articulonan nobo”

Recientemente nos a ricibi un cantidad di articulonan nobo specialmente pa e agricultor y criadornan di bestia.

Mirando cu nos a drenta den temporada di awa cero, Santa Rosa ta conseha tur agricultor pa cumpra nan tanki di plastic pa colecta awa cual ta obtenibel na Canashito Farm y asina muha matanan na cas sin trese costo adicional riba e recibo di awa. Tur e criador y agricultornan cu ta inscribi na Santa Rosa lo ricibi 10% di descuento riba tur tanki di awa cumpra na Canashito Farm, unda cu tin diferente size cuminsando for di 200 gallon te na 1500 gallon.

Tambe nos tin diferente matanan manera mango, lamunchi, apelsina, guyaba y awacati y simiyanan di fruta y berdura na benta pa asina un y tur por cuminsa cu e bunita practica aki y asina produci productonan organico y saludabel. Mes puro y gordura cla pa planta tambe ta obtenibel na Santa Rosa.

Pa e criadornan di bestia nos a ricibi rol di galvanized “fence wire”, cual ta un material sumamente fuerte y cu no ta frustia, ideal pa traha cura di bestia. Tambe tin kennel special pa transporta carbito, carne y porco.

Pa e apicultornan nos a ricibi un surtido grandi di producto, entre otro handshoen di cuero, helm di plastic y velo, smoker, frame pa wanta abeha y hopi mas.

Sin lubida e diferente cumindanan pa cabrito y carne, hooi, vitamina, articulonan pa traha keeshi y e tan gusta lechi di cabrito.

Alavez nos kier recorda tur agricultor y criador di bestia cu no a inscribi ainda, pa haci esaki mas pronto posibel dor di pasa personalmente of jama # 585 8102 y puntra pa Glenda.

Tambe nos ta informa cu durante luna di November no lo duna servicio riba tereno priva ya cu durante e luna aki lo pone atencion completo riba mehoracon di e damnan di awa.