Compra di Bestia

“Santa Rosa ta informa riba compra di bestia”

“Tur interesa mester jama y inscribi nan mes un biaha mas”

Santa Rosa kier pidi tur esnan cu ta interesa pa cumpra bestia pa yama y registra nan mes na # 585 3844, esaki ta conta tambe pa esnan cu a yega di registra como interesado pa cumpra bestia den pasado caba.

Alabes Santa Rosa kier recorda tur criador, cu tin un limite riba compra di cabrito cual ta 2 cabrito pa criador, ya cu kier sigura cu tur esnan interesa por haya cabrito pa cumpra. Pa loke ta trata porco tin mas flexibilidad riba e cantidad cu por wordo cumpra ya cu na e momentonan aki tin un cantidad di porco jong cu a nace y cu ta na benta.

Ta importante pa esnan cu ta interesa pa cumpra porco macho pa rasa, pa informa Santa Rosa lo mas pronto posibel y asina sigura cu e porco no lo wordo capa.

Tambe Santa Rosa kier recorda tur agricultor y criador cu no a registra nan mes ainda pa haci esaki lo mas pronto posibel dor di pasa na Santa Rosa of via telefoon na # 585 8102 serca Glenda Bareno. E meta di inscripsion aki ta pa tur criador y agricultor na Aruba forma parti di e projecto “Club Amigonan di Santa Rosa” cual lo insera cu tur inscribi lo ricibi un carnet di indentificacion cual lo duna descuentonan na Santa Rosa y diferente otro companianan na Aruba, asina brindando sosten na agricultura y cria local.